Epaphrodite Nsengimana
Nk’uko ikinyamakuru The Goal kibitangaza, umukunzi wa Cristiano Ronaldo, Georgina Rodriguez asa nkaho yamaze kuryoherwa n’ubuzima bushya i Riyadh, kubera amafoto yashyize ku mbuga nkoranyambaga yishimanye n’umuryango we mu butayu bo muri Arabiya Sawudite.
Abinyujije ku rukuta rwe rwa Instagram, Rodriguez yashyizeho amafoto agaragaza uruzinduko yagiranye n’umuryango we mu misozi y’ubutayu bwo muri Arabiya Sawudite, maze aherekezaho amagambo agira ati “Umunsi mwiza.”
Rodriguez azwiho gukunda imitako y’ubwiza, yagaragaye yambaye impeta ya Diyama irabagirana kandi bivugwa ko imitako ye ifite agaciro ka miliyoni 3.4 zama pound, harimo ibikomo, imikufi nimpeta.
