Umukobwa yananiwe kwiyakira ko Papa we yapfuye akomeza amwandikira mesaje none nyuma y’imyaka 4  yasubijwe ku bw’igitangaza

Umukobwa yananiwe kwiyakira ko Papa we yapfuye akomeza amwandikira mesaje none nyuma y’imyaka 4  yasubijwe ku bw’igitangaza.

Umukobwa witwa Chastity Patterson yabanaga na se, ise yaje kwitaba Imana muri 2015, ndetse umukobwa byaramunaniye kwiyakira akajya akomeza yohereza mesaje kuri nimero ya telefone ya se.

Uyu mukobwa buri gihe yandikiraga ise amubwira ko ameze neza, amubwira ko yashwanye n’inshuti ze, ko yabonye inshuti nshyashya, n’ibindi byinshi byo kumvisha ise ko ameze neza.

Jason Ligons niwe wari ise w’uyu mukobwa ndetse yamundaga nk’inka imwe kuko ariwe mwana wenyine yagiraga.

Nyuma y’imyaka ine uyu mukobwa yakiriye mesaje imusubiza. Iyi mesaje yayihawe n’umugabo witwa Brad. Uyu Brad nawe yari yarabuze umukobwa we, yapfiriye mu manuka y’imodoka muri 2014.

Brad yandikiye uwo mukobwa agira ati ” bite mukundwa! Ntago ndi Papa wawe, gusa nakiriye mesaje zawe zose kuva mu myaka ine yose igihe wazandikiye”, “mesaje za mu gitondo n’iza ni mugoroba zose zangeraga ho!, gusa nirinze kugusubiza kuko ntashakaga kukubabariza umutima”.

Akomeza ati ” Uri umukobwa ufite umutima ukomeye cyane, nakwifuje ko umukobwa wange amera nkawe gusa ntiyabashije gukomeza ubuzima”, ” ndakwishimiye cyane”.

Kuva ubwo yasubizwa yariyakiriye ndetse amenya ko aricyo gihe cyo kureka ise akagenda.