Umukobwa yaburiwe irengero habura amasaha ngo akore ubukwe

Umukobwa w’imyaka 24 witwa Bushura Najjuko utuye mu kagali ka Katereke ,mu mujyi wa Kyengera  , mu ntara ya Wakiso  , mu gihugu cya Uganda yaburiwe irenegero ubwo yiteguraga ubukwe bwe bwaburaga umunsi umwe ngo butahe.

Inkuru dukesha ikinyamakuru Monitor cyandikirwa mu gihugu cya Uganda ivuga ko ngo uyu mukobwa yaburiwe irengero kuwa gatanu ,tariki 10 Werurwe 2023 hagana saa tatu za mugitondo ubwo yari agiye mu iduka ry’ubwiza riherereye  Nakivubo mu mujyi wa Kampala ryagombaga  kumushyiraho ibirungo by’ubwiza k’umunsi w’ubukwe .

Nyina w’umukobwa Aisha Nalukenge avuga ko ngo ubukwe bwagombaga kuba ku cyumweru tariki 12 Werurwe 2023 , akavuga ko ngo umuntu wanyuma wagaragaye arikumwe n’uyu mukobwa we ari uwo yari yagiye kureba ku iduka ry’ubwiza rya Shafuras Bride Make-up Shop , nubwo uyu nyiri duka avuga ko yatandukaniye n’uyu mukobwa kuri New Taxi Park agiye gufata imodoka ngo agende .

Kugeza ubu Polisi ikaba ikiri gushakisha uyu mukobwa.