Umukobwa w’imyaka 17 yatwikishijwe peterori (petrol)

Mu mujyi wa Yumbe ,mu gace ka Cwinya mu gihugu cya Uganda ,haravugwa umwana w’umukobwa w’imyaka 17 watwikishijwe Petrol n’agatsiko k’amabandi ,icyakora nyuma y’amasaha macye 7 muri abari bagize ako gatsiko bagahita batabwa muri yombi.

Ikinyamakuru Monitor dukesha iy’inkuru ,kivuga ko umwe muri 7 bagize agatsiko k’amabandi batawe muri yombi ari umugabo w’uyu mukobwa , ndetse ko imwe mu mpamvu yatumye atwikwa ari uko umugabo we yatsetse ko uyu mukobwa yari yibye nyirabukwe amafaranga ariko umukobwa yabihakana umugabo we ntabyumve.

Kugeza kuri ubu yaba umugabo w’uyu mukobwa n’abafatanije nawe bose guhohotera uyu mukobwa bafungiye kuri sitasiyo ya Yumbe ,mu gihe uyu mukobwa nawe ari kwitabwaho n’abaganga mu bitaro bya Yumbe Hospital.