Umukobwa w’ikizungerezi yafatanwe udupfunyika 2,033 tw’urumogi

Polisi y’u Rwanda ikorera  mu karere ka Nyabihu kuri uyu wa Gatanu, tariki ya 26 Kanama, yafashe umukobwa afite udupfunyika 2033 tw’urumogi, aho yari agiye kugurisha abaturage, akaba  yafatiwe mu Mudugudu wa Rugera, Akagali ka Nyamitanzi, Umurenge wa Jomba.

Urumogi akaba ari kimwe mu biyobyabwenge byoreka imbaga nyamwinshi y’ubifashe ndetse no kurucuruza no kurukwirakwiza mu Rwanda bikaba bitemewe.

Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.