HARAGIRIMANA Dieudonne
Jamin Pugh wamamaye mu mikino y’iteramakofi nka Jay Briscoe yitabye Imana ku myaka 38 ,azize urupfu rutunguranye .
Urupfu rwa Jamin rwatangajwe na nyiri AEW (All Elite Wrestling) Tony Khan wabinyujije ku rukuta rwe rwa twitter aho yagize ati:” Birababaje Jamin Pugh abafana bakundaga kwita Jay Briscoe yitabye Imana, yari icyamamare uhereye igihe yiyerekanye bwa mbere muri ROH kugeza umunsi wa none”
Tony Khan yakomeje avuga ko Jay n’umuvandimwe we Mark ari ibikomerezwa bya ROH (Ring Of Honor ) ndetse ko biteguye gukora ibishoboka byose ngo bafashe umuryango wa Jamin muri ibi bihe bitoroshye urimo “
Khan ntiyigeze atangaza neza icyahitanye uyu muteramakofi ,icyakora nanone umunyamakuru w’imikino y’iteramakofi Dave Meltzer ,abinyujije ku rubuga rwa twitter yavuze ko uyu musore yaba yazize impanuka yabereye Delaware.
Correction on the location of the Jay Briscoe accident, it was Laurel, Delaware, not Maryland.
— Dave Meltzer (@davemeltzerWON) January 18, 2023
Jay yatangiye imikino y’iteramakofi mu mwaka wa 2002 , ari muri The Ring Of Honor , icyo gihe yishyize hamwe n’umuvandimwe we bakora ikipe bari barise ” The Briscoe Brothers,” ndetse kuva icyo gihe batangira kujya batwara imidari yishimwe itandukanye, nubwo rimwe na rimwe Jay yakundaga kurwana ari wenyine kandi nabwo akitwara neza.
