Umukinnyi wa Rayon Sports agiye guhindurirwa umwanya age akina mu mutima w’ubwugarizi nyuma y’uko Rwatubyaye Abdul na Ndizeye Samuel bagize imvune

Myugariro w’iburyo mu ikipe ya Rayon Sports, Nkurunziza Felecien agiye kujya akina mu mutima w’ubwugarizi nyuma y’uko Kapiteni Rwatubyaye Abdul na Visi Kapiteni Ndizeye Samuel bavuze imvune izatuma badatangira igice cy’imikino yo kwishyura bari gukina.

Mu mwaka ushize nibwo Ndizeye Samuel na Rwatubyaye Abdul bagize imvune, kuri ubu Rayon Sports isigaranye Mitima Isaac na Ngendahimana Eric gusa mu bakina mu mutima w’ubwugarizi.

Bigendanye n’uko Ngendahimana Eric akunda kugira imvune, umutoza Haringingo Francis Christian yamaze gutangira guteguza Nkurunziza Felecien ko azajya akina mu mutima w’ubwugarizi, bikaba bivugwa ko azajya abanzamo na Mitima Isaac.

Nkurunziza Felecien yageze muri Rayon Sports mu mpeshyi y’umwaka ushize avuye mu ikipe ya Espoir FC, kuri ubu ntabwo yigeze abona umwanya wo gukina bitewe n’uko yasanze Mucyo Didier ‘Junior’ urwego rwe ruri hejuru.