Kubwayo Mc croix
Myugariro wa Nice yo mu Bufaransa bita Youcef Atal ukomoka muri Algeria yamaze guhagarikwa n’ishyirahamwe ry’umupira w’amaguru mu Bufaransa (LFP) nyuma yo gushyira amashusho ku mbugankoranyambaga ze ko ashyigikiye igihugu cya Palestine mu ntambara kirimo na Israel, uyu musore akaba yahagaritswe imikino 7 adakina.
Mu mashusho Youcef Atal yashyize ku rubuga rwa Instagram rwe yavugaga ko ashyigikiye Palestine ndetse ko adakunda abayahudi batuye muri Israel, ibi ariko ntibyakiriwe neza ari nabyo byatumye ahita ayisiba vuba na bwangu gusa ntibyakuyeho ko iyi kipe ya Nice akinira tariki ya 18 Ukwakira 2023 yahise imuhagarika kubera ayo mashusho.
Youce Atal w’imyaka 28 y’amavuko yagerageje gusaba imbabazi avuga ko ubwo yashyiragaho ayo mashusho ntawe yashakga gukomeretsa gusa biba iby’ubusa. Kuri ubu akaba yamaze guhagarikwa imikino 7 adakina, ibi bikazatangira kubahirizwa ku wa kabiri tariki 31 Ukwakira 2023.
