Umukinnyi ufatwa nk’intwali i Barcelona kugeza ubu, akaba yongeye guhindura ikipe

Fc Barcelona ni imwe mu makipe ku isi agenda yubaka amateka atandukanye ndetse agakorana amateka nabamwe mu bakinnyi bagenda bayicamo, kurubu umukinnyi w’umunya Brasil wakiniye iyi kipe imyaka igera kuri umunani, myugariro w’imyaka 34 Dani Alves nyuma yuko avuye muri iyi kipe akerekeza i Turin mu ikipe ya Juventus akaza no kuyifasha gutwara igikombe cya Champiyona no kugera ku mukino wa Nyuma wa Champions League, kurubu akaba agiye kwerekeza mu gihugu cy’ubwongereza mu yindi kipe itozwa n’umutoza wamutoje.

Amakuru dukesha ikinyamakuru Sky Italia, aravuga ko umukinnyi Dani Alves yamaze kwemeranya n’umutoza Pep Guardiola kumusanga mu ikipe ya Manchester City akajya kumukinira kuri 2 kuko Guardiola yamaze gutangaza ko atazongera gukoresha Sagna n’abamusimbura. Ikipe ya Juventus ikaba yamaze gutangaza ko iri gutekereza ko Matteo de Sciglio cyangwa Hector Bellerin aribo bakinnyi yifuza ko bajya gusimbura Dani Alves.

Dani Alves akaba ashobora guhabwa amasezerano y’imyaka ibiri mu ikipe ya Manchester City ndetse akazajya ahembwa ibihumbi 185 by’amapound ku cyumweru.