Social Mula
Rutahizamu wa Police FC, Usengimana Danny agiye kujya yambara nimero 96 nyuma y’uko nimero 10 yari asanzwe yambara agiye kuyiha Hakizimana Muhadjiri.
Mu cyumweru gishize nibwo Hakizimana Muhadjiri yasinyiye ikipe ya Police FC amasezerano y’amezi atandatu azarangirana n’umwaka w’imikino wa 2022-2023, akaba agomba guhita ahabwa nimero 10 nk’uko yabimenyereye mu makipe atandukanye yo mu Rwanda yagiye anyuramo.
Iyi nimero yari isanzwe yambarwa na rutahizamu Usengimana Danny, gusa uyu rutahizamu azahita ahabwa nimero 96 nk’uko tubikesha Radio Isango Star.
Ikipe ya Police FC yasoje imikino ibanza (Phase Aller) iri ku mwanya wa 11 n’amanota 21, umutoza Mashami Vincent n’abakinnyi be bakaba biteguye guhatana kugira ngo byibura bazegukane kimwe mu bikombe bibiri bikinirwa mu Rwanda.
