Umukinnyi mwakunze mu Mavubi na Rayon sport yahuye n’ikibazo cyo kwiheba bikabije ||Menya byinshi kuri we

Umukinnyi Ndatimana Robert wanyuze mu makipe akomeye mu Rwanda arimo : Rayon Sport, Police FC , Bugesera FC na Sunrise yahuye n’ikibazo cyo kwiheba bikaje.

Mu kiganiro mushiki wa Robert yagiranye na Sabin yatangaje ko musaza we yagiye ahura n’ikibazo cyo kubeshyerwa ko akoresha ibiyobya bwenge , kandi ataribyo ahubwo ko yahuye n’ikibazo cyo kwiheba kubera ibyo yahuye nabyo mu mupira w’amaguru.

Nyuma y’uko akomeje gukina yaje kwisanga mu ikipe ya Sunrise ari naho yatangiriye kugira ikibazo bikomeye, aho ibyo ikipe yamwereye harimo umushahara ndetse n’amafaranga yaguzwe baje kuyamwima ahubwo bavuga ko yasaze.

Mushiki wa Robert yemeza ko ntakibazo cy’ibiyobya bwenge afite kuko bamujyanye kumupisha basanga ntabyo yanyweye, ahubwo yahuye n’ikibazo cyo kutakira uko ubuzima bwagiye buhinduka maze bimuviramo kwiheba gukabije (Depression).