Moïse Habanabashaka
Umuherwe w’ubatse izina rikomeye ku isi yiyahuye.
Thomas H. Lee wo muri Leta Zunze Ubumwe za Amerika, yasanzwe yapfuye abaganga bavuga ko bishoboka ko yirashe.
Uyu mugabo wari ufite imyaka 78, yashinze akaba yari anayoboye ikigo Thomas H. Lee Capital LLC, gikora ibikorwa byo kugura imigabane ndetse no kugura ibindi bigo bitari mu bihe byiza by’ukungu, yapfuye kuri uyu wa 23 Gashyantare 2023.
Inkuru y’urupfu rwe yamenyekanye kuri uyu wa Gatanu, mu itangazo ryatanzwe n’umuryango we, wavuze ko ushenguwe bikomeye n’uru rupfu.
Wagize uti “Umuryango ubabajwe n’urupfu rwa Tom. Imitima yacu irababaye turasaba ko uburenganzira bwacu butavogerwa kugira ngo tubashe kunamira uwacu.”
Umutungo w’uyu mugabo ubarirwa muri miliyari 2$.
Kimwe mu bikorwa by’ubucuruzi yakoze cyamamaye ni ubwo yaguraga uruganda rw’ibinyobwa rwa Snapple mu 1992 kuri miliyoni 135$, akarugurisha kuri Quaker Oats mu 1994 kuri miliyari 1,7$.
