Social Mula
Umuherwe witwa Habiyakare Saidi usanzwe ari umufana uvuga rikumvikana mu ikipe ya Rayon Sports yiyemeje gutanga miliyoni 50 z’Amanyarwanda iyi kipe ikongerera amasezerano y’imyaka ibiri rutahizamu Essomba Leandre Willy Onana.
Mu mpera z’icyumweru gishize nibwo Essomba Leandre Willy Onana yafashije gutsinda Rayon Sports ibitego bibiri ku mukino batsinzemo Gasogi United ibitego bibiri kuri kimwe.
Kwitwara neza kwa Essomba Onana ku mukino wa Gasogi United byaje bikurikira kuba yaritwaye neza ku mukino batsinzemo APR FC igitego kimwe ku busa, ikosa ryavuyemo igitego ni Onana ryari ryakorewe.
Amakuru yizewe YEGOB yamenye ni uko umugabo witwa Habiyakare Saidi yamaze kubwira Rtd Capt Uwayezu Jean Fidele ko bakwiye gutangira kuganiriza Essomba Leandre Willy Onana akongera amasezerano, uyu mugabo akaba yiteguye kuzatanga akabakaba miliyoni 50 z’Amanyarwanda uyu munya-Cameroun akayigumamo.
Si ubwa mbere Habiyakare Saidi yaba akoreye Rayon Sports igikorwa gikomeye, kuko ni umwe mu batanga amafaranga menshi yo gutegura imikino no gutanga uduhimbazamusyi ku mikino batsinze, uyu muherwe asanzwe atuye muri Leta Zunze Ubumwe z’Amerika ariko muri iyi minsi ari mu Rwanda.
