M.Ben
Umuhanzikazi Marina Deborah na mubyara wa Yvan Buravan, Yvan Mpano bangiwe kwinjira ahari kubera umuhango wo kwibuka Yvan Buravan witabye Imana mu cyumweru cya shize.
Kuri uyu munsi wo ku wa Kabiri nibwo habaye umuhango wa kwibuka Yvan Buravan, akaba ari nabwo Marina na Yvan Mpano basubijwe inyuma n’inzego z’umutekano kubera abantu bari babaye benshi.
Umunyamakuru Yago ni umwe mu babajwe no kuba aba bahanzi basubijwe inyuma, yagize ati “Biteye isoni n’ikimwaro kubona umupolisi asubiza abahanzi inyuma baje gusezera umuhanzi mugenzi wabo!ni ryari tuzavuga ibi bintu bikumvwa koko?kuki umuhanzi asuzugurwa?Kuki?Kuki?Kuberiki umuhanzi? Gusa nyuma y’ibyo byose urukundo Imana ikunda Umuhanzi rurahambaye,USHIMWE MANA!
Polisi y’u Rwanda nyuma yo kubona ibyo Yago yanditse yahise imusubiza igira ati “Muraho. Aya makuru mutangaje ntabwo ariyo, abasubijweyo ntabwo hashingiwe ku mwuga bakora ahubwo byatewe n’ubushobozi bucye bw’aho kubakirira.”
“Turabagira inama yo kujya mwumvira amabwiriza muhabwa n’abapolisi mu gihe bari mu kazi. Murakoze.”
