M.Ben
Umuhanzikazi Bwiza agiye gutaramira hanze y’u Rwanda mu birori by’ubusabane ‘Iwacu heza’ bigiye guhuza abaturage bo mu Bufumbira muri Uganda.
Ibi birori biba buri mwaka, bigiye kuba ku nshuro ya kane, aho aba baturage bavuga ururimi rw’Igifumbira bazaba bataramiye mu Bufumbira.
Ibi birori bihuza Abafumbira baturutse imihanda yose ku Isi, biba bigamije kwiyibutsa ibigize umuco w’abafumbira bagatarama mu mbyino gakondo ari nako bishimira umusaruro w’ibyo baba bagezeho.
Bwiza ntago azagenda wenyine dore ko azajyana na DJ Lenzo usigaye atuye muri Uganda.
Iki ni igitaramo kizahuza abantu bo mu bwoko bw’Abafumbira, Abarundi ndetse n’Abanyarwanda.
Bwiza ni umuhanzikazi uri kwitwara neza muri iyi minsi, akaba agiye gusubira muri Uganda nyuma yo kuvayo gusubiramo indirimbo ye Ready, iyi ndirimbo yasubiranyemo na Allan Kendrick na John Blaq.
