Umuhanzi Bruce Melodie yatanze ubutumwa bukomeye ku banyarwanda muri ibi bihe byo kwibuka Jenoside yakorewe Abatutsi

Umuhanzi Bruce Melodie hamwe n’abagenzi be kuri uyu wa Gatanu tariki 14 Mata 2023 bagiye gusura urwibutso rwa Ntarama rushyinguyemo imibiri y’abanyarwanda bazize Jenoside yakorewe Abatutsi muri Mata 1994.

Umuhanzi Bruce Melodie yabajijwe na Lucky Nzeyimana mukiganiro Verses kuri Televiziyo Rwanda icyakorwa nk’abahanzi kugira ngo bakomeze kubaka igihugu no kumenyekanisha amateka yaranze igihugu cy’u Rwanda muri Jenoside yakorewe Abatutsi muri Mata 1994.

Yagize ati:” Icyambere n’ukwiyubaka tugakora ibikorwa byacu neza nk’abahanzi kandi ubuhanzi bwagize uruhare rukomeye cyane muri Jenoside yakorewe Abatutsi mu 1994 rero tugomba kwiyubaka ku buryo umuntu wese abona ko haraho twavuye kandi dufitaho tugeze twiyubaka”.

Umuhanzi Bruce Melodie yakomeje avuga ko bagomba gusigasira amateka kandi bagokemeza gukora cyane bakirinda abashaka kugoreka amateka yaranze igihugu kandi bagatanga ubutumwa bw’ihumure ku banyarwanda barokotse Jenoside yakorewe Abatutsi muri Mata 1994.