M.Ben
Hashize amasaha 13, umuhanzi w’icyamamare mu muziki wo mu karere ka Afurika y’iburasirazuba, Harmonize, asohoye indirimbo “The Way you are” yakoranye na Bruce Melodie.
Iyi ndirimbo inagaragaramo umuhanzikazi Nak wagaragaye asomana na Bruce Melodie, kugeza ubu ntigaragara ku mbuga nkoranyambaga za Bruce Melodie, ukaba ushobora no gukeka ko atarayibona. Ni intambara imaze igihe mu muziki nyarwanda aho umuhanzi nyarwanda wabaga yakoranye indirimbo n’icyamamare, ntafashwe kuyamamaza, yahagabwa urw’amenyo.
“The way you are” indirimbo nshya ya Harmonize na Bruce Melodie, ubwo yasohokaga, Bruce Melodie yasangiye abamukurikira ifoto yumvikanamo indirimbo ’Umwe bavuze’ yakoranye na Diplomat, nyuma y’iyo ndirimbo yongeye gusangiza abamukurikira amashusho yibereye muri Studio.
Icyatangaje abantu, uyu muhanzi w’icyamamare yasangije abamukurikira indirimbo ‘Bunguka bate’ ya Riderman na Bull Dog, maze ayiherekeresha amagambo agira ati: ”Funga macho”. Funga macho ugenekereje mu kinyarwanda ni nko gufunga amaso, ibintu byahise bitekerezwa nko gufunga amaso kwa Bruce Melodie kuri iyi ndirimbo ya Harmonize.
