Umugore w’i Rwamagana yaguye gitumo umugabo we ari gusambanyiriza mu bihuru umwana w’umuturanyi

Umugore w’i Rwamagana yaguye gitumo umugabo we ari gusambanyiriza mu bihuru umwana w’umuturanyi.

Umugore wo mu Murenge wa Gishari mu karere ka Rwamagana, yafashe umugabo arimo gusambanyiriza umwana w’umukobwa w’umuturanyi wabo mu bihuru.

Akimubona yahise amusabira kujyanwa mu bugenzacyaha.

Amakuru atangwa n’abaturage avuga uwo mugabo yari amaze umwaka wose akekwaho gusambanya uwo mwana utarageze ku myaka y’ubukure.

Abaturage baho, babonye umugore wa Habyara azanye umukandara w’umugabo we avuga ko amusanze arimo gusambanya umwana w’umuturanyi we. kubera ko hari hashize igihe bavuga ko uwo mwana asambanywa na Habyara, umugore ngo yari amaze iminsi agambiriye kuzabafata kuko basanzwe babikorera mu bisambu no mu ishyamba.

Amakuru avuga ko umugore wafashe umugabo we asambanya uwo mwana yavuze ko ababyeyi b’uwo mwana nibatarega umugabo we ubwe yijyanira ikirego kuri RIB avuga ko yari amaze igihe ashaka ikimenyetso simusiga.

Umunyamabanga Nshingwabikowa w’Akagari ka Bwinsanga,Ndoreyimana Theoneste yavuze ko uwo mugabo arimo gukurikiranwa n’urwego rw’Igihugu rw’Ubugenzacyaha RIB