Umugeni yabuze aho akwirwa nyuma yo kugera mu rusengerero akabura umugabo we

Umukobwa yabuze icyo yakora ubwo yageraga mu rusengerero ku munsi w’ubukwe bwe akabura umusore bari bagiye gushyiranwa nyuma y’imyaka 10 bari mu rukundo.

Sasha Aristide na Kevine Hyppolite bari bamaze imyaka 10 bakundana ndetse bamaze n’igihe kitari gito bategura ubukwe bwabo byaje kurangira umusore atengushye umukobwa ntiyagera aho bari gusezeranira.

Ku munsi w’ubukwe Sasha w’imyaka 29 y’amavuko yambaye ikanzu nziza y’umweru maze ajya ku rusengero yari gusezeraniraho kubana akaramata n’umukunzi we Kevin w’imyaka 30 y’amavuko nyuma aza gutungurwa no kubona uwo bari bamaze igihe kitari gito bakundana atahageze maze abura epfo na ruguru.

Sasha utuye mu gace ka Brooklyn, leta ya New York muri Leta Zunze Ubumwe za Amerika akaba akora akazi k’ubuforomo yakundanye n’umukunzi we Kevin myaka 10 yose ndetse urukundo ari rwinshi hagati yabo.