Umugabo yishe nyirabukwe amuteye icyuma mu ijosi ubwo yari yagiye gucyura umugore wahukanye

Mukandayisenga Pascasie w’imyaka 48 y’amavuko wo mu Kagari ka Cyabayaga, mu murenge wa Nyagatare mu Karere ka Nyagatare yishwe atewe icyuma mu muhogo n’umukwe we.

Umugabo witwa adolphe niwe wishe nyirabukwe amuteye icyuma mu muhogo ubwo yari yagiye gucyura umugore we wahukanye hanyuma nyirabukwe akamubwira kutitwikira ijoro ahubwo akaza kumanywa hanyuma agacyura umugore we.

Uyu mugabo yahise abwira nyirabukwe ko ibyo bintu bidashoboka ahubwo ko niba bamumwimye abatwikira mu nzu nuko niko gufata nyirabukwe amutera icyuma mu ijosi aramwica.

Umunyamabanga nshingwabikorwa w’umurenge wa Nyagatare yabwiye umuseke dukesha iyi nkuru ko barimo bahiga yu mugabo kugira ngo akurikiranweho icyaha cyo kwica nyirabukwe.