Umugabo yatawe muri yombi akekwaho gusambanya umwana we w’umuhungu w’imyaka 13

Umugabo yatawe muri yombi akekwaho gusambanya umwana we w’umuhungu amukubise rugondihene.

Ibi byabaye ku mugoroba wo kuri uyu wa Gatanu ahagana saa kumi z’umugoroba aho uyu mugabo utatangajwe amazina yasambanyaga umuhungu we.

Ibi byabereye mu Mudugudu wa Rwakinzeri, mu Kagari ka Cyinzovu, umurenge wa Kabarondo, aho byabaye abo bombi bagiye kuvoma.

Amakuru avuga ko uyu mugabo w’imyaka 38 yisambanyirije umuhungu we w’imyaka 13, aho yamucunze bari mu nzira bagiye kuvoma akamukubita umutego bikarangira amusambabyije.

Nyuma yo gukora ayo mahano, uyu mugabo utuye mu karere ka Kayonza yahise atabwa muri yombi, mu gihe iperereza rigikomeje.