OLIVIER
Umugabo yasunitse nyina mu cyobo arapfa maze na we ahita yikorera igikorwa cy’ubugwari kugira ngo atajya muri Gereza.
Ku wa kabiri,umugabo w’imyaka 45 yishe nyina nawe ariyahura bari mu rugo rwabo i Githunguri, mu Ntara ya Kiambu muri Kenya.
Ibi ngo byabaye nyuma yo kutumvikana iwabo
Bivugwa ko Simon Kimani yasunitse nyina Mercy Maingi w’imyaka 75 mu cyobo gifata amazi mbere yo kwiyahura nawe asimbukiye muri icyo cyobo.
Nk’uko amakuru aturuka mu muryango wabo abitangaza, Kimani na nyina ntibumvikanye ku myizerere n’imigenzo y’idini yari yagiyemo
Iyo myizerere itavugwaho rumwe yateje amakimbirane hagati y’aba bombi harimo gukata imyanya y’ibanga y’abagore (FGM) no kwemera gushakana n’abagore benshi.
Uyu mubyeyi yarwanyije iyi myemerere kandi ngo yari yaraburiye uyu muhungu we ko bazashwana najya muri iryo dini.
Itsinda ryo mu ishami rishinzwe kurwanya ibiza muri iyo ntara niryo ryakuye imirambo muri icyo cyobo.
Hagati aho, abapolisi bo muri Githunguri barimo gukora iperereza kuri ubu bwicanyi.
