Umugabo yasererejwe ko arera abana b’umugore yabyaye hanze maze ahita ataha yicamo umwe na we ahita yimanika mu giti ahunga ubutabera

Umugabo w’imyaka 25 wari utuye mu Murenge wa Murundi mu Karere ka Kayonza, yishe umwana w’imyaka ibiri na we yimanika mu giti.

Yakoze ibi nyuma y’aho abandi bagabo bamuserereje ko arera abana babiri umugore yabyaye ahandi.

Ibi byabaye ku mugoroba wo ku wa Gatanu, tariki ya 20 Ukwakira 2023, mu Mudugudu wa Gakoma mu Kagari ka Buhabwa mu Murenge wa Murundi.

Uyu mugabo w’imyaka 25 yashakanye n’uwo mugore we wari ufite umwana w’imyaka ibiri ndetse anatwite indi nda y’undi mugabo.

Umunyamabanga Nshingwabikorwa w’Umurenge wa Murundi, Gashayija Benon, yemereye ayo makuru IGIHE dukesha iyi nkuru.