Umugabo yagotomeye NGUVU ebyiri zigera munda ahita ashiramo umwuka

Umugabo wo mu Karere ka Nyamasheke yapingiwe kugotomera inzoga ebyiri za “Nguvu” benshi bita “Ibyuma” agahabwa 5000 Frw, ahura n’uruva gusenya yikubita hasi ahita ashiramo umwuka.

Byabereye mu Kagari ka Kabuga mu Murenge wa Karambi aho Karimunda Phenias w’imyaka 43 yakoreraga umwuga wo kubaza imbaho.

Aya makuru dukesha UMUSEKE avuga ko uyu mugabo akimara gushyiramo umwuka, ubuyobozi n’inzego z’umutekano zirimo RIB na Polisi bahageze bajyana umurambo wa nyakwigendera ku Bitaro bya Kibogora gukorerwa isuzuma.