Umugabo arahigishwa uruhindu nyuma yo gusuka acid k’umugore we.

Mu gihe abandi bafata urugo nkigitangaza ndetse bakubaha umugore bitaraboneka, uyu mugabo we yafashe umwanzuro wo gusuka aside ku mugore we nyuma yo kumukekaho amakosa.

Uyu mugabo w’imyaka 59 akomeje gushakishwa bikomeye n’inzego z’umutekano zimushinja kuba yarahohoteye umugore we bikaba byaramuvuriyeno ubumuga bukomeye.

Uyu mugabo akaba akomoka mu gihugu cy’ubuhinde aho nyuma yo gukeka ko umugore we amuca inyuma kandi bafitanye abana babiri yahise ahitamo kumuhomba aho kugirango agire undi mugabo bamusangira.

Uyu mugabo ndetse n’umugore we bakaba bari bamaranye imyaka igera kuri 12 yose babana nk’umugore n’umugabo ndetse bakaba bari bafitanye abana babiri umwe w’imyaka 10 undi w’imyaka 7.

Nkuko amakuru abitangaza ni uko uyu mugabo yegereye uyu mugore we kugirango biyunge bikarangira bombi uburakari buzamutse bagatangira gutongana ndetse bikarangira umugabo afashe aside yari yaritwaje akayimusuka mu maso.

Ubuhinde ni kimwe mu bihugu bigaragarako ihohotera rikabije ku bagore ndetse no kutabubaha bikomeye.

Uyu mugabo naramuka afashwe ashobora guhanishwa igifungo kiri hagati y’imyaka 20 ndetse n’imyaka 30.