Epaphrodite Nsengimana
Umufana mukuru w’ikipe ya Sunrise Fc uzwi ku kazina ka Gikona akanze abafana b’ikipe ya Rayon Sports kuri uyu munsi ifitanye umukino n’ikipe ya Sunrise kuri Stade ya Nyamirambo ku isaha ya 18:00 z’umugoroba ku itara
Ni mu kiganiro yagiranye na radiyo Rwanda aho mu Rubuga Rw’imikino Gikona uwo yahuye na Muhayimana Claude umufana mukuru w’ikipe ya Rayon Sports maze bose bivuga ibigwi ku makipe yabo dore ko rwari rwabuze gica buri wese avuga ko amanota 3 ari buyacyure.
Gikona yakanze abafana ba Rayon Sports bitewe n’uko yaje yambaye kuko yaje muri studio za radiyo Rwanda yisize amarange y’ikipe ye, afite ingoma ndetse yitwaje n’indangururamajyi.
Kandi yavuze ko ubwinshi bw’abafana ba Rayon Sports ikipe ya Sunrise yize uko izajya ibaturisha bakajya hasi, yavuze ko iyo Rayon Sports itsinzwe igitego abafana bayo bahita bamera nk’abanyagiwe n’imvura bityo rero ngo ikipe ya Sunrise mu minota 20 iraba yateretsemo igitego.
