Uwihirwe
Uko Ngabo Calvin uzwi nka Young CK yapfuye byamenyekanye – Imana imwakire mu bayo
Kuri uyu wa 18 Nzeri nibwo mu banyarwanda hasakaye inkuru y’inshamugongo ivuga ko umuhanzi uzwi nka CK yitabye Imana.
Benshi ntibigize bamenya amakuru yuko uyu musore yaba yapfuye cyangwa icyaba cyamwishe, gusa amakuru aravuga ko zimwe mu nshuti ze za hafi zavuze uko byaba byagenze.
Amakuru aravuga ko uyu musore yabanaga na bagenzi be muri Canada, ngo umurambo w’uyu musore bagenzi be bawusanze mu mazi ndetse n’ibyangombwa bye babisanga iruhande rw’amazi, bivugwa ko uyu musore yaba yiyahuye.
Uyu musore ntabwo yari azwi cyane mu Rwanda gusa yari umwe mu basore bafite impano, yamenyekanye cyane mu ndirimbo yitwa umugabo yari irimo abahanzi b’ibyamamare nka Ish Kevin, Young Grace n’abandi.
