Epaphrodite Nsengimana
Mu masaha y’umugoroba wo kuri uyu wa Kabiri tariki 23 Gicurasi 2023, nibwo ku mbuga nkoranyambaga zitandukanye hasakaye amafoto ndetse n’amashusho ya Perezida mukuru wa Kiyovu Sports Mvukiyehe Juvénal wafashe ivarisi maze afata rutemikirerere asiga ikipe ye ya Kiyovu Sports isigaje umukino umwe muri shampiyona ndetse no guhatanira umwanya wa 3 mu gikombe cy’amahoro.
Muri iki gitondo cyo kuri uyu wa Gatatu, nabwo Kakooza Nkuriza Charles uzwi nka KNC, yatangaje ko nawe agiye kureka kuyobora ikipe ya Gasogi United yashoye mo akayabo ke akayivana mu kiciro cya kabiri akayigeza mu kiciro cya mbere.
Ubwo yari mu kiganiro Rirarashe kuri Radio/Tv1, KNC yatangaje ko umwaka utaha w’imikino atazaba akiyobira iyi kipe ye ya Gasogi United.
Yavuze ko hari undi mugabo utunze agatubutse ugiye kuyiyobora, gusa yavuze ko we azakomeza gukora indi mirimo muri iyi kipe. Ndetse kandi KNC yatangaje ko udashobora kuyobora ikipe nka Gasogi United byibura udatanze miliyari 5 Frw kuri konte.
