THIERRY Mugiraneza
Ikipe ya Real Madrid yatsinze Liverpool ibitego bitanu kuri bibiri mu mukino wa ⅛ wa champions league wabaye mu ijoro ryo kuwa Kabiri ubera ku kibuga cya Liverpool.
Liverpool yageze muri ⅛ cya Champions League nyuma y’uko yari yarabaye iya kabiri mu itsinda A. Real Madrid yo yari yarabaye iya mbere mu itsinda F.
Umukino watangiye saa yine z’ijoro utangizwa na Karim Benzema ku ruhande rwa Real Madrid.
Liverpool niyo yatsinze igitego cya mbere ku munota wa 4 gitsinzwe na Darwin Núñez ahawe umupira na Mohamed Salah.
Abakinnyi Jurgen Kloop yari yabanje mu kibuga barimo Alisson; Alexander-Arnold, Gomez, Van Dijk, Robertson; Bajcetic, Fabinho, Henderson; Salah, Darwin Núñez na Gakpo.
Liverpool yari yakamejeje yongeye guhusha igitego ku munota wa 11 ubwo Salah yahushaga igitego.
Carlo Ancelloti utoza Real Madrid yari yabanje mu kibuga Courtois; Carvajal, Militao, Rüdiger, Alaba; Fede Valverde, Camavinga, Modric; Rodrygo, Benzema na Vinicius.
Mohamed Salah yaje kwisubiraho ku munota wa 14 atsinda igitego ku mupira yari yiherewe na Courtois.
Real Madrid izwiho kudacika inege yaje kubigaragaza ku munota wa 21 ubwo Vinicius Jr yatsindaga igitego ahawe umupira na KarimMadrid yongeye Benzema.
Real Madrid yongeye Kubona igitego cya kabiri ku munota wa 36 gitsinzwe na Vinicius Jr ubwo Allison Becker umuzamu wa Liverpool yamushotaga umupira.
Igice cya mbere cyarangiye impande zombi zinganya ibitego bibiri kuri bibiri.
Igice cya kabiri kigitangira ku munota wa 47 Real Madrid yatsinze igitego cya gatatu gitsinzwe na Eder Militao kuri kufura yatewe na Luca Modric, Militao akozaho umutwe.
Real Madrid yongeye gukosora Liverpool ku munota wa 54 ubwo Karim Benzema yashotaga umupira ashaka gutsinda maze Gomez wa Liverpool akitsinda, Real Madrid iba itsinze igitego cya Kane.
Ku munota wa 67, Real Madrid yateye umusumari wa gatanu muri Liverpool ubwo Karim Benzema yatsindaga igitego cya gatanu ahawe umupira na Vinicius Jr.
Umukino urangira Real Madrid iteye Liverpool ibitego bitatu kuri bibiri.
