Moïse Habanabashaka
‘Ubuzima bwamubanye umubirizi’ umuhanzi ukomeye ari gutabarizwa kubera ubukene bukabije(yagaragaye ari gukora ikiyede)
Nyuma y’amashusho yasakaye ku mbuga nkoranyambaga agaragaza ubuzima bubi bw’umuraperi Colonel Mustafa, ab’inkwakuzi batangiye gukusanya amafaranga yo kumufasha.
Amashusho yasakajwe ku mbuga nkoranyambaga agaragaza uyu muraperi yagiye gushaka akazi ko gufasha abubatsi (Ubuyede) ngo arebe ko yabona amaramuko.
Abanyamakuru baganiriye n’uyu muraperi yabatangarije ko icyatumye ajya gukora kariya kazi ari ubukene afite muri iyi minsi butuma atabasha no kuvuza umubyeyi we urwaye kanseri.
Colonel Mustafa yavuze ko kuva muri Mata 2022, nta kazi yigeze abona byatumye yisanga mu bukene bukabije.
Nyuma yo kugobokwa n’abagiraneza uyu muhanzi yahise agaruka ku mbuga nkoranyambaga atangiza ubukangurambaga bwo gukusanya inkunga yo kuvuza umubyeyi we.
