Ubuyobozi bwa Real Madrid bwahakanye ibyo kugenda kwa Luka Modric ava muri iyi kipe

Umuyobozi wa Real Madrid (CEO) Jose Angel Sanchez yagize icyo atangaza ku makuru yavugaga ko ikipe ya Real Madrid yaba iri mu biganiro n’amakipe yo muri Saudi Arabia yo kuba yagura umukinnyi wo mu kibuga hagati w’imyaka 38 y’amavuko Luka Modric mu isoko ry’igura n’igurisha ryo muri Mutarama.

Sanchez yatangaje ko ikipe ya Real Madrid ititeguye kuba yarekura Luka Modric mu kwezi kwa mbere kuko bakimufite muri gahunda. Ibi biza binyomoza amakuru yerekezaga uyu mukinnyi muri Saudi Arabia no muri Leta Zunze Ubumwe z’Amerika mu ikipe ya Inter Miami mu ntangiriro z’umwaka utaha.

Luka Modric yageze muri Real Madrid muri Kanama 2012 avuye mu ikipe ya Tottehnam Hotspur. Mu mikino 498 umunya-Croatia Modric amaze gukinira Real Madrid, yayitsindiye ibitego 37, atanga imipira 77 yavuyemo ibitego, yanatwaye ballon d’or ya 2018.