Ubuyobozi bwa Rayon Sports bwakoze agashya buhenda abafana bashaka kureba umukino ikipe y’abari n’abategarugori ifite uyu munsi

Ubuyobozi bw’ikipe ya Rayon Sports bwatangaje abantu nyuma yo gutangaza ibiciro ku bafana b’iyi kipe bashaka kureba umukino ikipe y’abari n’abategarugori b’iyi kipe ifitanye n’ikipe ya Macuba WFC mu gikombe cy’amahoro.

Ikipe ya Rayon Sports WFC benshi bemeza ko ari yo kipe ikomeye cyane mu bari n’abategarugori uyu mwaka ukurikije uko amakipe igenda iyatsinda mu buryo bukomeye cyane, uyu munsi ifitanye umukino n’ikipe ya Macuba WFC mu mukino w’igikombe cy’amahoro.

Uyu mukino urabera kuri Sitade ikipe ya Rayon Sports WFC isanzwe ikiniraho yitwa Nzove Complex Stadium ari naho ikipe ya Rayon Sports y’abagabo isanzwe ikorera imyitozo. Ibiciro byo kwinjira biraba ari 1000 ahasanzwe hose ndetse n’ibihumbi 5000 muri VIP.

Iki kintu ubuyobozi bwa Rayon Sports bwakoze ntabwo gisanzwe ukurikije imikino iyi kipe imaze igihe ikina wabonaga ko ntabafana benshi bakunze kuza kureba uyu mukino ariko icyatangaje benshi ni ukuntu yashyizeho ibiciro birenze. Abakurikira iyi kipe bemezaga ko nibura itike yagombaga kuba nka 500 ndetse na 2000 muri VIP.