Ubukwe burashyize buratashye: Bijoux ashyize hanze impapuro z’ubutumire.

Aline Munezero uzwi muri filime ya Bamenya n’umuhanzi Lionel Sentore wo mu njyana ya gakondo batangaje amatariki y’ubukwe bwabo.

Umuhanzi Lionel Sentore, ubarizwa ku mugabane w’i Burayi mu gihugu cy’u Bubiligi, na Munezero Aline, uzwi nka Bijoux muri filime ya Bamenya bazakora ubukwe tariki 08 Mutarama 2022 nk’uko bigaragara mu mpapuro z’ubutumire bashyize hanze.

Izina Bijoux uretse kumenyekana muri filime Bamenya, ntiyari mushya mu makuru y’imyidagaduro kuko yakunze kwifashishwa mu mashusho y’indirimbo zitandukanye z’abahanzi nyarwanda. Ni mu gihe Lionel Sentore ari umuhanzi nyarwanda ukora injyana gakondo ndetse akaba ari umwuzukuru wa Sentore Athanase.