Ubukene bugiye gutuma Fc Barcelona igurisha abakinnyi bayo 3 b’inkingi ya mwamba bari bayifatiye runini

Umuyobozi wa La Liga, Javier Tebas,yanenze uburyo ikipe ya FC Barcelona yakoresheje igura abakinnyi ndetse bagomba gushaka uko bagurisha abakinnyi bakabona miliyoni 178 z’amapawundi.

Kugira ngo bagabanye ibi bibazo Barcelona, igomba kugabanya amafaranga ihemba n’ayo igura abakinnyi ikava kuri miliyoni 650 z’amayero ikajya kuri miliyoni 450. N’ukuvuga ko ingengo y’imari yagabanutseho miliyoni 200 z’amayero.”

Barca yasabye abakinnyi bayo benshi kugabanya umushahara ariko igomba no gukusanya amafaranga mu kugurisha abakinnyi bayo mu mpera z’umwaka w’imikino nkuko The Sun ibitangaza.

Benshi mu bakinnyi bo mu ikipe ya mbere bakomeye bashobora kugurishwa barimo Robert Lewandowski, Frenkie de Jong na Raphinha.