Geovanis
Umuhanzi Riderman na Christopher ni bamwe mu bamaze igihe bazenguruka ibihugu by’uburayi aho barimo bakora ibitaramo bitandukanye.
Mu kiganiro Riderman yagiranye n’umunyamakuru wa Yegob, Delicia uherereye mu gihugu cy’ubufaransa, Riderman yatangaje byinshi birimo ko yari akumbuye abafana be cyane.
RIDERMAN I PARIS
Yagize ati “nari nkumbuye abafana bange, hari abo tutabashije gutaramana, so, ni byiza guhura n’abafana bashya, abantu bashya, amasura mashya, kongera bakumva indirimbo zange, n’izo batazi bakazimenya”
Abajijwe niba hari igikorwa ateganya gukorana na Christopher bagiye gukorana igitaramo mu gihugu cy’ubufaransa, yavuze ko kuri ubu nta mushinga bafitanye ariko isaha n’isaha mu gihe hagati yabo habaho ubushake n’ubwumvikane icyo gikorwa cyaba.
Yagize ati “kugeza ubu nta gikorwa turimo turakorana ubu, ariko ntekereza ko igikorwa twakoranye ataricyo cya nyuma, iyo abahanzi bakiriho nta kibabuza gufatanya.
Ku rundi ruhande, Christopher wari umaze gukorana igitaramo na Riderman I Paris mu Bufaransa igitaramo cyagenze neza cyane ,nawe yatugaragarije ibyishimo byo kuba agiye kongera gukorera ikindi igitaramo i LYON mu Bufaransa afatanije na RIDEMAN , avugako bitari ku nshuro ya mbere ahubwo yishimira ko akomeza gushobozwa gukorera ibitaramo bitandukanye ku mugabane w’iburayi.
Yavuze ko kandi bagiye gutegura ibikorwa byo kuzenguruka I burayi buri mwaka kuko naho hari abafana kandi baba bashaka kubabona.
Yagize ati “turashaka kureba ukuntu twajya tugira ibi bitaramo bya buri mwaka, ahantu hose turimo turakorera turi kuhavana imyirondoro na nimero ku buryo bazadufasha kujya dutegura iki gikorwa ngarukamwaka”
Abajijwe niba Riderman bari kumwe hari igikorwa bakorana, yavuze ko ari umuraperi mu Rwanda akunda kuba bakorana indirimbo ari ishema rikomeye kuko Riderman ari mu bihangange by’umuziki nyarwanda.
