Kubwayo Mc croix
Ku wa Mbere, tariki ya 27 Mutarama 2025, habaye tombola y’Igikombe cya Afurika cy’Umupira w’Amaguru (CAN 2025), igikorwa cyabereye mu murwa mukuru wa Maroc, Rabat. Amakipe 24 yabonye itike yashyizwe mu matsinda atandatu, buri tsinda rikaba rigizwe n’amakipe ane.
Itsinda A rigizwe na Maroc, Mali, Zambia na Comores. Nk’igihugu kizakira irushanwa, Maroc yahawe amahirwe yo gutangira neza.
Itsinda B ririmo Misiri, Angola, Afurika y’Epfo na Zimbabwe. Itsinda C rifite Nigeria, Tuniziya, Tanzaniya na Uganda, mu gihe Itsinda D ririmo Senegal, DR Congo, Bénin na Botswana.
Itsinda E rigizwe na Algeria, Burkina Faso, Guinée Équatoriale na Sudani, naho Itsinda F rifite Côte d’Ivoire, Cameroun, Gabon na Mozambique.
Itsinda F ryiswe iry’urupfu kuko Côte d’Ivoire ifite igikombe giheruka izahangana na Cameroun na Gabon, amakipe afite amateka akomeye muri CAN. Indi mikino itegerejwe cyane irimo Nigeria izahura na Tunizia, Senegal izacakirana na DR Congo, ndetse na Maroc izakina na Mali.
Nyuma ya tombola, Emerse Faé, umutoza wa Côte d’Ivoire, yatangaje amagambo akomeye agira ati: “Mbabajwe n’abafana ba Maroc, ariko tuzatahana igikombe cya CAN.”
Ku rundi ruhande, Perezida wa CAF, Patrice Motsepe, yagaragaje icyizere cy’uko iri rushanwa rizagenda neza, agira ati: “Ndi kwizeza ko Igikombe cya Afurika cya 2025 kizaba intsinzi ikomeye kandi kizaba ari cyo cyiza mu mateka.”
CAN 2025 izabera muri Maroc kuva tariki ya 21 Ukuboza 2025 kugeza ku ya 18 Mutarama 2026. Amakipe yose aritegura bikomeye kugira ngo azahatanire igikombe cy’uyu mwaka.
