M.Ben
The Ben n’umugore we, Miss Uwicyeza Pamella baburiwe irengero muri Trace Award bari bafitemo akazi.
Mu mpera z’icyumweru gishize, amakuru ajyanye na ‘Trace Awards’ ni yo yavugwaga mu bitangazamakuru byose mu gihugu.
Imwe mu nkuru zagarutsweho, ni iy’uko The Ben yari yatoranyijwe mu bagombaga gutanga ibihembo ku babyegukanye ariko birangira atagaragaye mu babishyikirije abatsinze.
The Ben na Miss Uwicyeza Pamella, bagombaga gutanga ibihembo bya Best Music Video byegukanywe na Yemi Alade na Best Artist France-Belgium cyegukanywe na TayC.
Bivugwa ko The Ben na Pamella batinze kugera ahaberaga ibi birori, basanga ibyo bagombaga gutanga byamaze gutangwa.
Ibi bihembo byagombaga gutangwa na The Ben n’umugore we Uwicyeza Pamella byarangiye bitanzwe na Olivier Laouchez, Umuyobozi wa Trace Group yari yateguye ibi birori.
