Ten Hag utoza Manchester United yongeye kwerekeza amaso mu ikipe ya Ajax kuzana uwo yari yarasizeyo

Erik Ten Hag umuhorandi utoza Manchester United yerekeje amaso mu ikipe ya Ajax, gushakayo Mohammed Kudus ngo nawe amuzane muri Manchester United.
Erik Ten Hag wageze mu ikipe ya Manchester United mu mpeshyi y’umwaka washize avuye mu ikipe ya Ajax ikina shampiyona y’ikiciro cya mbere mu Buhorandi ( Eredivisie).
Ubwo Ten Hag yageraga muri Manchester United yazanye n’abakinnyi yatozagayo barimo Lisandro Martinez na Antony Santos.

Amakuru ahari ubu nk’uko ikinyamakuru Football Insider kibyandika ngo n’uko Erik Ten Hag ahigira hasi hejuru Mohammed Kudus, umunya-Ghana ukina mu kibuga hagati asatira.
Ten Hag ngo arifuza ko Mohammed Kudus yazaza akongera imbaraga mu gice cy’ubusatirizi kuko asanga Wout Weghorst, Anthony Martial na Jadon Sancho atabarambirizaho.

Mohammed Kudus ufite imyaka 22 y’amavuko, umaze gutsindira Ajax ibitego 16 mu mikini 32 muri uyu mwaka , ngo nawe ubwe yibwiriye abakinnyi bakinana ko yifuza kuzajya gukina muri Manchester United.