Social Mula
Biteganyijwe ko imikino y’igikombe cy’Africa cy’ibihugu, AFCON 2021, izatangira gukinwa ku nshuro ya 33 muri Cameron kuva tariki 9 Mutarama kugeza tariki 6 Gashyantare.
Iri rushanwa ryari riteganyijwe kuba mu mpeshyi yo muri uyu mwaka wa 2021, ariko impuzamashyirahamwe y’umupira w’amaguru muri Africa, CAF, yafashe umwanzuro wo kuryimura kubera ibibazo by’ikirere biba biri muri Africa y’uburengerazuba muri kiriya gihe cyari cyateganyijwe.
Kubera iki kitwa AFCON 2021 kandi kizaba mu wa 2022?
Nyuma y’igikombe cyegukanywe na Algeria itsinze Senegal mu wa 2019 cyari cyabereye muri Egypt, byari biteganyijwe ko ikindi kizaba nyuma yaho imyaka ibiri nkuko busanzwe bigenda.
Imikino yo gushaka itike yo gukina igikombe cy’Africa kizabera muri Cameron yatangiye heza hagati ya tariki 9 Ukwakira na 19 Ugushyingo mu wa 2019, ariko imikino yaje gusubikwa kubera icyorezo cya coronavirus cyagaragaye kuri uyu mugabane wa Africa.
Nyuma yo gukora inama, CAF yemeje gushyira igikombe cy’Africa mu ntangiro z’umwaka wa 2022 nyuma yo kumvikana n’abafatanyabikorwa ariko kikagumana izina.
Ku wa 31 Ukuboza 2021, ni bwo CAF yatangaje amatariki kigomba gukinwaho bidasubirwaho.
Ni ayahe makipe 24 yabonye itike?
Ukuyemo Cameron izakira iki gikombe na Algeria yegukanye igiheruka, Egyot, Senegal, Ghana, Nigeria, Ivory Coast, Tunisia, Mali, na Morocco niyo makipe yandi yabonye itike.
Andi makipe azahatanira iki gikombe ni Burkina Faso, Guinea, Comoros, Gabon, Gambia, Equatorial Guinea, Zimbabwe, Sudan, Malawi, Ethiopia, Guinea-Bissau, Mauritania, Cape Verde na Sierra Leone.
