HARAGIRIMANA Dieudonne
Ana Maria Markovic ukomoka muri Croatia afatwa nk’umukobwa wa mbere ku Isi mwiza mu bakina umupira w’amaguru, ndetse ikimero cye gituma abantu bitabira umukino we.
Ana Maria Markovic ni umukinnyi ukina imbere ku ruhande, mu ikipe y’igihugu ya Croatia ndetse n’ikipe ya Grasshopper yo mu Burusiya.
Tariki 9 Ugushyingo 1999, nibwo Ana Maria yabonye izuba, akaba yaravukiye mu mujyi wa Split uherereye muri Croatia, gusa nyuma y’imyaka 12 umuryango we waje kwimukira mu Busuwisi, mu mujyi wa Zurich.
Ana Maria w’imyaka 22, mu 2017 nibwo yazamutse mu ikipe nkuru ya FC Zurich aza kuyivamo mu 2019 yerekeza mu ikipe ya Grasshopper ari nayo akinamo. Ana Maria amaze gukinira ikipe y’igihugu ya Croatia imikino 7 ayitsindira igitego 1.
Muri Mutarama uyu mwaka, Ana yagiranye ikiganiro n’itangazamakuru ryo mu Budage avuga ko Cristiano Ronaldo ariwe mukinnyi arebereraho.
Yagize ati” Luka Modric ni umukinnyi kandi w’icyitegererezo, ni umukinnyi mwiza Isi yose izi kandi akinira igihugu cyanjye, gusa umukinnyi wanjye ndeberaho cyane ni Ronaldo kubera uburyo yitwara mu mwuga we. Ku bwanjye mpamya ko ariwe mukinnyi ugira ibyo atanga mu mupira w’amaguru nawe akabigarura.
