Philcollens
Uruganda rwenga ibinyobwa bisembuye n’ibidasembuye rukorana na Rayon Sports SKOL, rwakoreye agashya iyi kipe abafana bari bafite ikibazo cy’uko ikipe yabo igiye kubaho bariruhutsa.
Ku munsi w’ejo hashize nibwo ikipe ya Rayon Sports yakoze ikiganiro n’itangazamakuru bereka abakunzi bayo uko ikipe irimo kwitegura umukino uzabera muri Libya wa CAF Confederations Cup tariki 15 Nzeri 2023.
Uyu mukino Uwayezu Jean Fidel yatangaje ko hakenewe Milliyoni 70 z’amanyarwanda ariko uruganda rwa SKOL rwemeye gutanga angana na 70% by’ibizakenerwa muri uru rugendo rugoye cyane. Uyu muyobozi yaje gukomeza asaba abafana bose ko batatetera agati mu ryingo ngo bumve ko byarangiye ahubwo bakwiye gukomeza gutanga amafaranga.
Iki kintu uruganda rwa SKOL rwakoreye Rayon Sports bisa nk’agashya kubera ko iyi kipe hari igihe yajyagayo mu gutaha bikazaba ibibazo bikomeye mu mihembere ariko Uwayezu Jean Fidel yaje no guhita atangaza ko ibintu biteguwe neza cyane ntakibazo cy’amafaranga bafite.
