Sitade yo mu gihugu giteye ubwoba iza ku mwanya wa mbere wa sitade nini ku isi

Biratangaje uburyo sitade nini ku isi ari sitade yo mu gihugu giteye ubwoba ku isi , iyi ni sitade ya Rungrado 1st of may stadium ,ikaba iherereye mu  mujyi wa Pyongyang ,muri Koreya y’amajyaruguru , ikaba ifite ubushobozi bwo kwakira abantu ibihumbi 114,000.

Iyi sitade ikurikirwa n’indi yitwa Melbourne Cricket Ground , ihereye  East Melbourne , mu gihugu cya Australia , ibasha kwakira abantu bicaye neza bagera ku bihumbi 100,024 .

Ni mugihe sitade yo mu gihugu cya Spain , mu mujyi wa Barcelona yitwa Camp Nou ibasha kwakira abantu ibihumbi 99,345 ikaba yarashyizwe ku mwanya wa gatatu , kuri uru rutonde habonekaho sitade 2 zo muri Africa , izo akaba ari FNB Stadium yo muri Africa y’Epfo na Borg El-Arab  yo muri Egypt.

Sitade ya Wembley yo mu gihugu cy’Ubwongereza ,iza ku mwanya wa 6 ,ikaba ibasha kwakira abantu ibihumbi 90,000 ,bivuze ko Wembley iza inyuma ya FNB stadium yo muri Africa y’Epfo kuko yo iri ku mwanya wa 4 ikaba ibasha kwakira abantu ibihumbi 94,736.