Carlo Ancelotti mu magambo y’ubwishongozi yasubije abamushinja kubangamira abakinnyi bamwe na bamwe muri Real Madrid

Carlo Ancelot , umutariyani utoza ikipe ya Real Madrid yatunguye abantu ubwo yasubizaga ko ataje muri Real Madrid ngo ashimishe abakinnyi.

Carlo Ancelotti utoza ikipe ya Real Madrid, mu kiganiro yagiranye n’itangamakuru kuvanziriza umukino iyi kipe iza kwesurana na Atlético Madrid kuri uyu wa Gatandatu. Carlo Ancelotti yabajijwe ibibazo byinshi byibanze ku mwuka bivugwa ko utari mwiza hagati ye n’abakinnyi bamwe na bamwe harimo nka Nacho Fernandez.

Ancelotti mu gusubiza umunyamakuru yamubwiye ko icyamuzanye muri Real Madrid ari ugutuma ikipe itsinda atari ukubaka ubucuti cyangwa gushimisha abakinnyi.

Muzehe Carlo Ancelotti yagize ati ” Nacho ngo ntiyishimye? Ndamunva ariko ngewe sindi hano ngo nshimishe abakinnyi. Ndi hano ngo Real Madrid itsinde. Mumbabarire kuvuga ibi , ariko intego ya mbere ni ugutuma ikipe inyurwa.

Uyu Nacho Fernandez ukomeje kuba ikibazo muri Los Blanco’s, afatwa nk’umwe mu bakinnyi bakomeye bari i Madrid kuko yahageze kuva muri 2011 ahatwarira ibikombe 22. Nacho uri mu mezi ane ya nyuma muri Real Madrid hari amakuru amwerekeza muri AC Milan na Wolverhampton Wonders gusa we akumva yajya gukina muri Leta Zunze Ubumwe z’Amerika kugira ngo atazakinira ikipe izajya ihura na Real Madrid.