Shekinah DramaTeam bateguye umugoroba w’isanamitima mu rwego rwo guhumuriza ababuze ababo muri Genocide

Itsinda Shekinah Drama Team rituruka mw’itorero rya Evangelical Restoration Church Kimisagara rihimbaza Imana ribinyujije mu mbyino ibikunze kwitwa drama ryateguye umugoroba w’isanamitima aho harimo ikinamico bise Quest to the cure tugenekereje mu kinyarwanda ni inzira igana ku gukira aho hazakorwa ikusanyabushobozi(fundraising), ibizavamo bikazafasha abasizwe iheruheru na Genocide yakorewe abatutsi muwi 1994

Shekinah Drama Team rimwe mu matsinda amaze kubaka izina hano mu Rwanda aho bamaze kwitabira Groove Award inshuro ebyiri, iri tsinda ryatangiye muri 2005 ubu bakaba bemeza ko imyaka bamaze kuba inararibonye kuburyo basanga igihe cyari kigeze ngo batange ubutumwa bwubaka imitima y’abanyarwanda ku bakijijwe nabatarakizwa, bakabibutsa ko Imana ariyo isana imitima ari nayo mpamvu bateguye iki gikorwa!

Shekinah Drama Team rero bakaba bizera ko ubutumwa buzatangwa aho buzaba bukubiyemo icyo Imana ishaka ku rubyiruko ndetse hakazanasobanurwa ku buryo bweruye ibisubizo bya bimwe mu bibazo abavutse nyuma yayo mahano bibaza

Twabibutsa ko iki gikorwa kizaba kuwa 10 z’ukwa kane, saa kumi n’ebyiri aho iri tsinda ribarizwa muri restoration church kimisagara