Sheikh ukomeye muri Islam yakatiwe urwa burundu nyuma yo guhohotera umwana w’imyaka umunani

Mu rubanza rwabaye kuri uyu wa Kabiri tariki 5, Nyakanga, rukaba rwarangiye uwashinjwaga gusambanya umwana muto w’imyaka umunani akatiwe gufungwa burundu muri reta ya Ikeja mu gihigu cya Nigeria.

Umuyobozi wa Islam Isah Mustapha, akaba yari ari kuzira icyaha yakoreye uyu mwana utatangajwe amazina kubwo umutekano we mu mwaka wa 2017, aho ashinjwa kuba yarafatiranye umwana akamushukashuka umukangisha ku murega ku babyeyi be.

Mu buhamya bwatangiwe mu rukiko bwagaragazaga neza ko Isah Mustapha yatumye umwana kumuzanira ibitunguru iwabo, yamara kubihageza akamusaba kwinjira mu nzu kungufu kugirango amubwire.

Uwahohotewe yakomeje avugako yamubwiye kuvanamo ipantaro vuba cyangwa yabyanga akayimukuriramo kungufu ngo ni nako byagenze biza kurangira amusambanyije.

Mama w’umwana yabwiye urukiko ko yabimenye igihe yari ari kumesa imyenda y’umwana akabona ikizinga cy’amaraso ku mwenda.

Isah Mustapha yakomeje ahakana ko yamusambanyije ngo icyo yakoze ni ugushyira urutoki gusa mu myanya y’ibanga y’umwana.