Rwanda: Umugore yimanitse mu kagozi nyuma y’ibyabaye iwe

Umugore wari utuye mu murenge wa Twumba mu karere ka Karongi witwa Nyiranzihangana Julienne bamusanze mu mugozi yapfuye, bigakekwa ko yiyahuye.

Byabereye mu mudugudu wa Nyabubare, Akagari ka Bihumbe Umurenge wa Twumba mu karere ka Karongi. Amakuru yamenyekanye kuri uyu wa 23 Gicurasi 2022.

Bakundukize Emmanuel, umugabo wa nyakwigendera niwe wabonye uyu murambo atabaza inzego z’umutekano, n’urwego rw’igihugu rw’ubugenzacyaha RIB umurambo ujyanwa ku bitaro bya Mugonero gukorerwa isuzuma.

Byavuzwe ko mu minsi yashize uyu mugore yashinjaga umugabo we kumuca inyuma naho umugabo agashinja umugore kujya mu kabari no gutindayo.

Source: Igihe.com