Rutsiro: umwarimu arakekwaho gusambanya umunyeshuri

Mu karere ka Rutsiro haravugwa inkuru y’umwarimu w’imyaka 30 ukorera ku ishuri ribanza rya Gahondo mu Murenge wa Kivumu, nyuma yo gukekwaho gusambanya umwana w’umunyeshuri w’imyaka 13 baturanye.

Mu makuru ava muri kariya Karere avuga ko barimo gushakisha uwo mwarimu wahise atoroka, kugira ngo abazwe ibyo akekwaho.

Akomeza avuga ko umwana yasambanyijwe tariki 13 Kanama 2022, ubwo iwabo bari bamutumye mu rugo rw’uwo mwarimu, gusa umwana yatinze kubivuga kubera umwarimu ngo yamushyizeho iterabwoba.Gusa ngo uyu mwana yaje kubibwira mama we ari nako byahise bimenyekana.