Social Mula
Rutahizamu ufite inkomoko mu gihugu cy’u Burundi akaba anafite Ubwenegihugu bw’u Rwanda, Bigirimana Issa ntabwo amerewe neza mu ikipe ya Espoir FC akaba agomba kwirukanwa muri uku kwezi kwa Mutarama 2023.
Mu mpeshyi ya 2022 nibwo Bigirimana Issa yasinyiye ikipe ya Espoir FC amasezerano y’umwaka umwe, gusa agiye gusezerererwa adasoje amasezerano bitewe n’umusaruro ugayitse.
Amakuru aturuka mu buyobozi bw’ikipe ya Espoir FC ni uko iyi kipe izatandukana na Issa Bigirimana muri uku kwezi kwa Mutarama imusimbuze undi rutahizamu uzaturuka hanze y’u Rwanda, mu bandi bakinnyi bazasezererwa barimo na myugariro wo hagati witwa Munezero Fiston.
Bigirimana Issa yakiniye ikipe ya APR FC imyaka irenga itanu akaba ari umwe mu bakinnyi barijije amarira menshi abafana ba Rayon Sports kuko yabashije kuyitsinda ibitego bitanu mu mikino yahuye na yo.
