Rutahizamu wa Rayon Sports WFC ubu ari kubarizwa muri Portugal

Rutahizamu wa Rayon Sports WFC, Nibagwire Libellée ari mu igeragezwa mu gihugu cya Portugal aho agiye kumara ibyumweru bitatu.

Nibagwire Libellée yemeje aya makuru ubwo yabibazwaga n’Umuseke, yagize ati: “Yego. Nagiye mu igeragezwa muri Portugal.”

Byemezwa ko uyu mukinnyi ari gukora igeragezwa mu kipe ya FC Setúbal Football Club y’Abagore ikina mu Cyiciro cya Mbere.

Nibagwire Libelléé ni umukinnyi w’ikipe y’Igihugu y’Abagore, yaje muri Rayon Sports avuye mu ikipe ya AS Kigali y’abagore umwaka ushize.