Rutahizamu wa Etincelles FC Kakule Mkata Justin arwaye bikomeye nyuma yo gukubitirwa i Goma

Rutahizamu wa Etincelles FC, Kakule Mkata Justin, yakubitiwe bikomeye i Goma n’abantu bataramenyekana ubwo yari agiye gusura umuryango we, nyuma y’amezi abiri adahabwa umushahara akaza kuwuhabwa.

Yakomeretse hejuru y’ijisho ry’ibumoso, ajyanwa kwa muganga, aho byaje kugaragara ko yaje kugira ibibazo byo kuvira mu bwonko, bigatuma igice cy’ibumoso cy’umubiri we gihagarara gukora.

Etincelles FC irateganya kumuzana mu Rwanda nyuma yo gukina na Rayon Sports, kugira ngo akomeze kwitabwaho n’abaganga b’inzobere.